Rreth Nesh

Kosherja Dixhitale

Bletët janë pa diskutim krijesa me më shumë impakt në ekosistemin e planetit tonë. Përpos benefiteve të cilat i japin natyrës, ato na dhurojnë dhe një produkt shumë të shijshëm, të dashur dhe me veti të jashtëzakonshme ushqimore dhe kurative siç është mjalti.

Për qindra vite, njerëzimi ka arritur të kultivojë bletarinë duke bërë të mundur prodhimin masiv të mjaltit, si dhe ta sjellë atë në tryezat tona. Bletarët janë njerëz të cilët me mundin dhe sakrificën e tyre arrijnë të zhvillojnë ketë sipërmarrje kaq fisnike.
Çdo ditë në punën e tyre ata kanë vështirësi për shkak të fenomeneve të tilla si :

• Vjedhjet nga njeriu apo nga kafshët
• Ikjet nga kosherja të bletëve ( roitja )
• Vjelja me vonesë

Një sfidë tjetër është ngrohja globale dhe ndryshimet klimatike të cilat janë të paparashikueshme dhe i bëjnë bletët të përjetojnë stres,  i cili shkakton vdekjen e tyre.

Future Block dëshiron ti vijë në ndihmë atyre duke i sjellë teknologjinë më të avancuar për kujdesin dhe zhvillimin e bletarisë, për ta dixhitalizuar atë si proces, për ti lehtësuar punën bletarëve dhe për ti maksimizuar prodhimin pa humbur asgjë nga origjinaliteti dhe kënaqësia që ky proces ofron.

Për këtë ne kemi krijuar Kosheren Dixhitale, e cila do t’i shërbejë bletarit për të parë në kohe reale të dhënat jetësore të koshereve dhe mbrojtjen e tyre nga abuzimi i njerëzve apo kafshëve grabitqare.